TAPYRI

TAPYRI

populi non procul ab Hyrcanis. Dionysius,

Υ῾ρκανίοι, Τάπυροί τε.——

Ubi Montanus: Tapyros quod attinet (neque enim admitti potest altera lectio, Υ῾ρκάνιοι τ᾿ Α῎πυροί τε, obstat enim aliorum scriptorum auctoritas, qui nusquam Α᾿πύρους, sed Ταπύρους appellant) eos Hyrcaniae propinquos faciunt Q. Curtius et Plinius, quamvis de accurato eorum situ nihil ex illis colligi possit. Sed si rectô ordine hic progrediatur Dionysius, eos Hyrcaniâ Orientaliores, et proinde in Margiana esse oportet, ubi Ταπύρους quosdam locat Ptol. Atque eô fere situ eos locat Eratosthenes, teste Strab. affirmans μεταξὺ Υ῾ρκανῶν καὶ Α᾿ρίων Ταπύρους οἰκεῖν: manifestius vero consentit ipse Strabo, dum μεταξὺ Δερβίκων τε καὶ Υ᾿ρκανῶν eosdem constituir. Alibi tamen Ταπούρους habet Ptol. in Media scilia. Tapuraeos cum Tapuriis montibus in ipsa Scythia. His mos fuit, ut proprias uxores aliis viris nuptui concedant, cum 2. aut 3. liberos ex iis suscepissent. Vinô iidem ac unguentô oblinuntur. Iustitiam colunt. Strabo, l. 2. Vide Steph.